ဆွမ်းကပ်လာသောမြန်မာတွေကိုဝပ်တလုမ်ကျောင်းဆရာတော်မှပရိတ်ရေဖြန်းပေးနေပုံ
ထိုင်းအတွေ့အကြုံ (အပိုင်း ၃)
ထိုင်းမှာဆွမ်းစားတော့မယ်ဆိုရင် အာညောင်းအောင်ရွတ်ရဖတ်ရပါတယ်။မစားခင်အကြာကြီးရွတ် စား
ပြီးလျှင်လည်းအကြာကြီးရွတ်ဆိုတော့ မြန်မာသံဃာတွေအနေနဲ့ ထိုင်းဆွမ်းစားဆိုရင်ဝေးဝေးရှောင်နေ
တာကများပါတယ်။ တခါတလေ ရှောင်မရသည့်အဆုံးလိုက်သွားရတာလဲကြုံတတ်ပါတယ်။
လိုက်နေကျမဟုတ်တော့ ကိုးယိုးကားယားနိုင်တာတွေလဲကြုံရပါတယ်။
ရိုးရိုးဆွမ်းကပ်တာကိုအသုဘရပ်တောင်ကြီးယူသွားပြီးခပ်တည်တည်ထိုင်နေတာကို ထိုင်းတကာမတွေ မျက်နှာပျက်နေတာလဲကြုံဘူးတယ်။ သူတို့မှာက သာရေးနာရေး အတွက်ရပ်တောင်တွေခွဲခြားထားတယ်။
မြန်မာပြည်မှာလို့ တွေ့တဲ့ရပ်တောင်ဆွဲသွားလို့မရပါလားဆိုတာ သိလိုက်ရတယ်။
ဆွမ်းစားပြီးရင် ရွတ်ရပြန်သေးတယ်။
မြန်မာရဟန်းတွေအတွက်ခက်နေတာတစ်ခုက ပရိတ်ရွတ်ရင် လူတွေဘက်ကိုလက်အုပ်ချီရတာတော်တော်ဝန်လေး
ပါတယ်။လက်အုပ်ဆိုတာ ရဟန်းတွေအတွက် ဘုရား နဲ့ ထေကြီးဝါကြီးတွေအတွက်ပဲ့ချီဖို့ထားတာပါ။
ထိုင်းမှာက တွေ့တဲ့လူတိုင်းကို လက်အုပ်ချီနုတ်ဆက်တဲ့ဓလေ့ ကထွန်းကားနေတယ်။
အပြင်ကိုသွားလို့များ တကာမလေးတွေ လက်အုပ်ချီပြီးရပ်နေလို့ တော်တော်ရိုသေပါလားလို့မမှတ်လေနဲ့
သူတို့က သူတို့ဓလေ့အတိုင်နှုတ်ဆက်တာပါ။
တချို့တကာမလေးတွေက အနားရောက်ရင်ရှောင်သွားတတ်တယ်။
ဒါလည်း သူတို့နဲ့ဘုန်းကြီးနဲ့ထိမှာစိုးလို့ရှောင်သွားတာပါ။
အထိမခံ ရွှေပုဂံ လို့များဆိုရမလားပဲ့။ တစ်ခုခုလာလှူရင်လဲ တိုက်ရိုက်မယူရပါဘူး။
ဘေးမှာချထားစေရပါတယ်။ တကာမတွေ ပေးလာရင်လဲတိုက်ရိုက်မယူရ ကိုယ်ကပေးရင်လဲတိုက်ရိုက်မပေး
ရဘေးမှာချထားရပါတယ်။
အဲဒါကိုမသိတဲ့ ရောက်ခါစမြန်မာရဟန်းတွေအနေနဲ့ အခက်တွေ့ပါတယ်။
သဟတ္ထိကဒါနဆိုတာထိုင်းတွေမှာမရှိတော့ဘူး။
5.2.2012 နေ့က အေးဗက်တက္ကသိုလ် အနီးနေ စေတနာရှင်များစုပေါင်းဆွမ်းအလှူကိုမှတ်တမ်းပြုရင်း
ထိုင်းအတွေ့အကြုံအပိုင်း(၃)ကိုရေးသားပါသည်။
ထားဝယ်ရဟန်းငယ်(အေဗက်ဆွမ်းကပ်အမှတ်တရ)
No comments:
Post a Comment